ZALEN June 17, 2024; Ramhlun North Branch YMA vice president kut thlaktu zurui pathumte lakah FIR thehluh a nih angin police ten chung mi pathumte chu an kawl mek.

Thuchhuah an siama tarlan a nih danin, June ni 15, 2024 zan dar 6:30 vel khan Ramhlun North Branch YMA vice president khawhar in kal turin presbyterian english school, Ramhlun North thlang a zurui pathum thawmna leh intibuaite chu khawhar in bul hnaia bengchheng lo tur leh inthiarfihlim turin a hrilh tih an tarlang a, chu chu chung zuirui pathum te chuan an cho zui a ni.

An Branch YMA hruaitu insaseng tum chu chung mi pathumte chuan um zuiin, a hnunglam atangin an beihrawn zui a, YMA hruaitu a nih thu a sawi hnu pawhin engahmah ngai loin kut an thlak zui a, a thelhtu an YMA member pakhat pawhin hliam tuarin, damdawiin panpui ngai khawpin a awm.

Zurui pathum ten police hnena an address an sawi dan : Penticosthanga s/o Lalchhuana, Ramhlun North, Lalhmangaihsanga s/o Chanchinmawia, Ramhlun North (Khawlian khua Ramhlun Northa in luaha awm nia hriat) leh R. Lalengliana s/o Lallawmawma, Ramhlun Vengthar.

Heng mi pathumte lakah hian Ramhlun North YMA chuan Bawngkawn police station ah thubuai an thehlut a, Penticosthanga chu YMA member ni zel tlakah an ngai lo a, YMA membership fee a pek tawh pawh kir leh nise an ti.

Ramhlun North Branch YMA chuan an hruaitu tanpui a tumna lama kut tuar zui ve ta Lalduhzuala s/o K. Lalruata, N-Section chu chhuanawm an ti a, a hliam a dam leh thuai theih nan duhsakna an hlan.