ZALEN March 10, 2025 : Mizo Hnam Run-ah chhung inkhawm vawiin khan neih a ni a, he huna thusawitu K. Lalrinliana, Ex-Minister chuan ZPM-in kalphung thar an tih chu 'Kal phung thing' a ni ringawt alawm, a ti.

Supply Minister hlui K.Lalrinliana, MNF Adviser chuan, "India ram State-ah oil depot neilo awmchhun kan ni a, kan hun lai khan neih ve tul kan ti a. A hmun turte Bairabi-ah ruahmanna kan siamfel a. Aizawl chhak lamah awm se tiin anmahni lamin an rawn rawt leh a. Department hrang hrangte nen meeting neiin kan tifel a. A tak ram kan thleng tep a, inthlan a lo hun leh ta mai si a. Union Minister-in hawng se tiin Prime Minister hriatpuinain rawtna kan siam a. Hmanni lawka Session ah Minister-in a chhanna kha a mak ka ti, 'Prime Minister hawn tir an tum' a ti a, vawi khat mah PM-in hawng se tih kan sawi lo hrim hrim," a ti.

"Hna thawk ho lutuk leh engmah ti lo angah min puh kha a mak hle mai. Sawkar hmasa thil tih that pawh an tih angin an sawi duh zel. Kolasib Hospital pawh Pu Thangtea khan hawngin a hna pawh thawh zawh deuh thaw tawh a ni a, an bul tan angin Press Release an siam ngamte kha a mak ka ti. Rice mill kan hawn tawh hun rei tak kal pui tawh pawh an sawrkar tharah an hawng thar leh. An kalphung hi 'kal phung thing' a ni ringawt a lawm," a ti.

K.Lalrinliana chuan ZPM sawrkar thar chu kalphung hlui ai pawha tenawm zawk a tih thu sawiin, VC inthlan dawn khan Kolasib veng tharah chhungkaw hung ve deuh pakhat chhungkua atangin zirtirtu transfer chungchangah an chhungte ZPM lut tura an inthlem nasat thu a sawi a, MNF chu Pathianin min hruai zel ang a, kan tho chhuak leh thuai dawn a ni, a ti bawk.