Vestige Company Meriam L Hrangchal (MLH) team, Mizoram chuan an kum 10 tlin, 10th Anniversary pualin mi tanpuitu pawl, Zo Inspiration hnenah Rs. 1,00,000 an hlan a, Vestige chhungkuaa damlo natna khirhkhan tuar mi eng emaw zat hnenah tanpuina sum fai an pe bawk.

Meriam L Hrangchal team hian an kum 10 tlin hi Thawhlehni chawhnu khan Aijal Club-ah an lawm a, tun hnai lawka KTP General Conference vawi 60-naa speaker, Rev. Dr. H.Vanlalruata'n hunserh hmangin he hun hi a hmanpui.

Vestige Company hian khawvel puma Top 100 Direct Selling Company thlan chhuah zingah 38-na dinhmun a luah mek a, India Direct Selling Company-ah khawvel TOP 100 a lang pha awm chhun an ni a. Mizoramah hian district tinah inzar pharhin Vestige Centre hi district khawpui hrang hrangah hawn a ni tawh.

India hmarchhakah hian Meriam-i kaihhruaina hnuaiah member 1,80,000 chuang an awm mek bawk. 

Vestige Company hian 'Wealth through wellness' tih thupuia hmangin hriselna hi an dah pawimawh ber a. Mihring tana hrisel tana tha thil chi hrang hrang, ei tur lam chi (food supplement) atanga ni tin inchhung mamawh leh Italian make up hrisel thlengin product 350 chuang an nei tawh a, thla tin thil an siam chuah thar an la tihchhuak (launch) belh mek zel bawk.