October 19, 2022; Tourism department buatsaih a Anthurium Festival hmanna, Reiek khawtlang hruaitute chuan, Anthurium Festival chu chhunzawm zel tlakah an ngai tih an sawi a, mipui pawhin hma an sawn tawh thu leh zu rui buai pawh an awm tawh mang lo nia an hriat thu an sawi.

ZALEN zawhna chhangin Reiek Branch YMA president Lalduhzuala chuan ,Festival hmanga mipui lokal ten hma an sawn tawh hle nia an hriat thu sawiin, "Khawi maw laiah zu lo rui deuh lawp lawp chu awm mahse, ruai buai ang chi an awm ta mang lo a, tun hma lamah chuan rui chung a lokal an tam thin a, a hautak hle thin," a ti. 

Anthurium Festival hman zawh takah hnamdangte pawh mi engemawzah an rawn tel tih sawi bawkin, Reiek Branch YMA president chuan, puanin leh home stay a rawn thleng an awm nual niin a sawi.

Reiek khua hi Tourism department in khualzin hip tura a chei vangte leh a hmun hma a nawm vangte in festival awm loh lai pawhin khualzin tlawhtu an awm reng a, khua in a zir a, holiday te a nih chuan ni khat ah tlawhtu mi sang chuang an awm reng a, chungte lo dawl tur chuan Tourism department mai bakah Reiek khawtlang pawhin inbuatsaihna an nei chho mek zel a ni.

Anthurium festival atan hian Ministry of Tourism chuan cheng nuai 25 a tum a, Festival hi Covid 19 leng vangin kum hnih chhung virtual mode a hman a nih hnuah Reiek tourist resort ah October ni 14 leh 15 khan hman a ni.