Aizawl August 13, 2023; Mizoram sawrkara taxation department chuan sawrkar kumthar hnu, April - July, 2023 chhungin Rs. 4,15,84,89,749 chhiah a hmu tawh a, GST chu chhiah hmuhna pui ber a ni.

Taxation department hian April - July chhung khan GST-ah Rs. 3,53,41,68,869 hmuin, profession tax-ah Rs. 4,05,44,294, sales tax-ah Rs. 58,36,77,606 leh chhiah dang atangin Rs. 98,980, a vaiin Rs. 4,15,84,89,749 an hmu tling.

Sawrkar kumthar hnu a chhiah hmuh tam ber thla chu April niin, Rs. 1,34,78,34,419 a lut a, chungte chu GST-ah Rs.  1,07,59,54,329, profession tax-ah Rs. Rs. 42,03,619, sales tax-ah Rs. 26,76,65,331 leh chhiah dang atangin Rs. 11,140 hmuh a ni.    

Taxation department hi Mizoram sawrkar tana revenue chhung luttu lian ber a ni a. GST, VAT leh profession tax atangin chhiah a lakhawm a. Financial year 2022-23 chhunga a tax revenue a hmuh zawng zawng chu Rs. Vbc. 1,020.66 a ni a, revised estimate (RE)-ah Rs. Vbc. 900 hmu tura beisei an nih laiin RE target hi Rs. Vbc. 120.62-in an khum.

April - July chhiah hmuh zat :
GST                     Rs. 3,53,41,68,869
Profession tax     Rs. 4,05,44,294
Sales tax             Rs. 58,36,77,606
Others                Rs. 98,980
Total                   Rs. 4,15,84,89,749