ZALEN January 30, 2025 : Central YMA Executive Committee thukhawm chuan, Assam Rifles-in Aizawl khawpui lailia an awmna an chhuahsan tum chungchang a ngaihtuah a, he lai ram neih tuma remchang la zawnga hmala lo turin an ngen.

27.01.2025 (Thawhtanni) zana CEC thukhawm chuan October 23, 2024-a Mizoram sawrkar leh Assam Rifles hotuten inremna (Memorandum of Agreement) an ziah tawh angin, Assam Rifles-te hian tuna Aizawl khawpui laili a an awmna hi an chhuahsan dawn hnai niin a lang a. Assam Rifles ten an chhuahsan ramte hi mipuite tana a tangkai thei ang bera hman a nih theih nana hma la turin Sawrkar an ngen a. Hun lokal zelah Mimal, Political Party, Kohhran leh Pawl hrang hrang ten mahni tana remchang lo zawng lo turin an ngen bawk a ni.

Assam Rifles ram luah chhunga mimal LSC nei engemaw zatin, mipui hmakhua ngaia an LSC an hlan let hi a ropui an ti a, ram leh hnam tana an inpekna an ngaihlu tak zet a. Chutih laiin LSC nei dangte pawhin ram leh hnam tana hlan ve turin an ngen nghal bawk a ni.