ZALEN March 24, 2024 : Vawiina NGO Co-Ordination Committee (CYMA, MUP, MHIP, MZP, MSU) thukhawm chuan, Assam Rifles-in Aizawl khawpui laili a an awmna an chhuahsanah tumah mahni hmunhma atana hma la lo turin an ngen.

Assam Rifles ten an chhuahsan ramte hi mipuite tana a tangkai thei ang bera hman a nih theih nana Sawrkar-in theihtawp chhuah a hma la turin NGO CC chuan a ngen a. Mimal, Political Party, Kohhran leh Pawl hrang hrang ten mahni hmun hma atana hma la lo turin a ngen bawk a ni.

He hmun ruak hi venhim a, humhalh vat a tul nia a lan avangin, sawrkar-in Security ruahman vat turin a ngen bawk a ni.

Assam Rifles ram luah chhunga mimal LSC nei engemaw zatin, mipui hmakhua ngaia an LSC an hlan let hi a ropui an ti a, ram leh hnam tana an inpekna an ngaihlu an ti. Chutih laiin LSC nei dangte pawhin ram leh hnam tana hlan ve turin an ngen nghal bawk a ni.