September 7, 2022; Assam Rifles luah ram chhungah LSC nei mi 61 an la awm a, LSC neite chungchang ah court ah thubuai a awm avangin hma lak zel dan tur hriat a la ni lo.

Assembly session neih mekah VL Zaithanzama zawhna Revenue minister Lalruatkiman a chhan danin, Assam Rifles luah ram chhung, Commandant Bangalow Area ah mi 4 in LSC an nei a, Mc. Donald Hill Area ah mi 3, Main Barrack Area ah mi 54, an vaiin LSC nei mi 61 an awm.

An LSC sawrkar a thehlut (surrender) tawh mi 8 awmin, chung mite chu, Lalnunmawii, Baktawng, Lalzarliana, Bawngkawn South, Dr. Sangzuala, Zarkawt, Rochunga Ralte, Electric Veng, Lalhuthanga, Dawrpui Vengthar, K. Sangnghaki, Bethlehem leh V. Thlanga, Bethlehem te an ni.

AR ram chhunga LSC neite engtin nge sawrkarin tih a tum tih zawhna chu, AR ram chhunga LSC neite chungchangah Central YMA in PIL case an file a, Case No. WP (C) PIL No. 31 of 2020 subjudice a nih avangin hma lak zel dan tur hriat a la ni lo, tiin Revenue Miniser chuan a chhang bawk.