ZALEN July 31, 2025 : Vaṭhuampui Area Rural Development & Administrative Demand Committee huaihawtin vawiin khan khawtlâng huap ṭawngtai rualna hun hman niin, YMA hall Vaṭhuampuiah neih a ni. Mipui ṭhahnem tak kalkhawmin thupui atân "Mal min sâwm ngei ngei ang che", 1 Chronicle 4:10 chu hman a ni.

He hunah hian Vaṭhuampui RD&A Demand Committee Chairman CK Sangtea chu chairman niin a khaihruai a; Rev. Lalnunpuia PCI chuan hunserh hmangin Pathian hnênah ṭawngṭaina a nei a, L. Ruatsanga VCP Vaṭhuampui chuan thu sawina neiin, Rev. Johana BCM chuan programme hman chhan sawi zauna a nei bawk.

He hunah hian Kohhran hrang hrang aṭangin Pastor-te ṭawngṭai rual hruaitu atan hun pek ṭheuh an ni a, zaithiam hrang hrang ten zaia âwi bawkin, KṬP Vaṭhuampui Zaipawl chu ṭanna hla an rem bawk.