Aizawl: Vawk pul hri hlauhawm tak, African Swine Fever (ASF) chu Assam leh Arunachal Pradesh-ah leng mekin, vawk tam takin an thihpui mek laiin, ni 13.08.2020 khan Meghalaya state-ah he hri hi a leng tih finfiah a ni leh a. Meghalaya district hrang hrangah tai darh mekin, vawk tam takin an thihpui tawh bawk a ni.

He natna hi vawk mai bakah sanghalte pawhin an vei thei a, a enkawlna damdawi leh invenna (vaccine) awm lo leh a vei zaa za (100%)-in an thihpui theih natna a nih avangin Mizorama a lo luh loh nan vawk, vawksa rep leh vawksa atanga thil siam reng reng (frozen pork, etc.) lak luh sawrkar chuan a khap tlat a. Chuvangin, he khapna dan hi Mizo mipuiten ngai pawimawha zawm theuh turin A.H &Vety Deptt. chuan a ngen a ni.