January 31, 2023; Assam lama ruihhlo tawlha inhnamhnawiha puh tlan bo mek pahnih Serkawnah man an ni. 

An thudawn bawhzuiin, nimin tlai khan Dholai PS Case-a (u/s 22(c)/29 NDPS Act) inhnamhnawiha puh tlan bo mek pahnih- Sajid Ahmed (29) s/o Khiru Uddin leh Abdul Motin (37) s/o Kasim Ali, Keuti, Karimganj District, Assam ve ve te chu Lunglei Police ten Lunglei, Serkawnah lirthei pakhat atangin an man. 

Assam Police team te mi mante la turin an kal mek a, kan state chhunga an inhnamhnawihna awmthei te chhuichian zui mek a ni bawk.

Mizoram police chuan thuchhuah siamin, dan kut sei tak chu misualte tan pumpelh mai theih a ni lo tih an tarlang a, agencies dang leh thenawm State te nena thawhhona tha tak state ramri pela ruihhlo leh sualna hrang hrang dona kawngah a pawimawh em em a ni.