Aizawl June 5, 2024 : June 3, 2024-ah Social Activist Vanramchhungi'n AMC Municipal Commissioner hnena Aizawl Master Plan in a humhalh, Chanmari-Chaltlang leh Bawngkawn-Durtlang kawngpui kama insak a awm chungchangah complain a thehluh bawhzuiin AMC chuan Secretary, Jehova Shalom, Assembly of God, Chaltlang chu an buiding sak lai chawlhsan rih turin a hriattir.

Aizawl Municipal Corporation chuan The Mizoram Municipalities Act tlawhchhanin June 4 khan Secretary, Jehova Shalom, Assembly of God, Chaltlang chu Protected Area huamchhunga phalna la hmasa lo va RCC building sak chawlhsan nghal tur leh a laka hma lak a nih loh chhan insawifiahna June 21, 2024 ral hmaa thehlut turin a hriattir. Vanramchhuangi chuan AMC-in hetianga hma a la nghal hi a lawmawm a tih thu a sawi.