ZALEN April 28, 2025 : MNF Treasurer Lalruatkima chuan ATL Road siamna atana sawrkarin sum a pawhpen chu dahlet leh tura a ngen thu a sawi a, VC leh LC inthlan kha a hun taka neih ni se, tun ai hian sawrkar lai party hian seat an la tlem ang a ti.

Lunglei District huamchhunga MNF Party atanga Local Council leh Village Council a thlan thar te chawimawina hun Khuallian Lalruatkima chuan thu sawiin, LC/VC inthlan kha a hun takah inthlang lovin, kuthnathawktute'n sawrkar-ah beiseina an neih vung vanglai takin inthlanna an buatsaih a, a hun takah inthlang i la rorel lai Party hian seat an lak tlem a rin thu a sawi.

MNF Treasurer chuan dan lova khuva man sa te chu phuahchawp lutukin sawrkarin a Auction a, Lunglei khawpuiah thil lungchhiatthlak tak vawiinah hian a thleng a, kan zirlai pawl te'n ATL Road dangin hun an hmang mek a, hei hi MNF Party chuan kan thlawp tlat a, Sawrkar in ATL Road siamna tur sum a pawhpen hi ATL Road siam nan a hmang ngei turin sawrkar a phut thu a sawi.

Mizoram Universal Health Care Scheme a in ziah luh man a sang lutuk hi mirethei leh harsa zawk te tan a luhai thlak a, inziah luh hun an hawn tawh hnua a kalphung tur ngaihtuah a midang kalphung zirchiang tura an la intir mek te hi kalngaihna an hriatloh thu Lalruatkima chuan a ti bawk.

MNF Party atanga, Local Council leh Village Council a tling thar te chawimawina hun hi MNF, Sub-Hqrs President Vanlalhmuaka chuan kaihruai in Rev. R. Lalnunzira'n hunserh a hmang a, Martarte sunna hun hman a ni.