JUNE atanga september

Sydney khawpuiah hian September thla tawp thleng inkharkhip pawh sei niin hei hi mipuiin an ning tawh hle.

June thla atang tawh khan ina tawm tura tihna hi kalpui tan a ni tawh a. Hetih mek lai hian hri kai hi kar hmasa let hmuh chhuah an la ni tho.

Mi tam tak chuan curfew hian hri leng a thunun lo niin an sawi a. Sydney khawthlang leh chhimthlang lam dai, rethei tamna khuahkhirhna a na zual chu sawisel a na zual.

Australian khawpui lian pahnih, Melbourne leh Sydney-a Covid-19 avanga inkharkhip rei tawh lutuk duh lo mi sang chuang leh police chu nasa takin an innawr.

Melbourne-ah chuan mounted officer-te chuan pepper spray (hmarcha dip) hmangin mi 4,000 rual, anmahni lo daltu police paltlangtute chu an phuh.

Police hian mi 218 an man a, officer pasarih velin hliam an tuar bawk.

Thla khat chhung inkharkhip pawh sei lehna, Sydney-ah chuan mi officer 1,000 chuangin mipui pung khawmte an hnawt darh.

Khawpuia Sydney hmangtu, New South Wales (NSW) state-ah hian darkar 24 liam ta chhungin tual chhunga hri kai mi 825 an awm belh leh a, hemi hun chhung bika Australian state zinga ngah ber an ni.

Queensland khawpui, Brisbane-ah pawh mi 2,000 chuang zet inkharkhip duh lovin an pung khawm a, a hnuah buaina awm lem lovin kawng an zawh bawk.

Victoria police-te chuan Inrinnia Melbourne-a tharum thawhna hial a thleng chu an dem thu an sawi.

“Hmun thenkhatah duh lotuten buaina siam lova hun an hman laiin a tam zawk erawh tharum thawh duhna an nei a ni,” tiin an thupuangtu chuan a sawi tih Sydney Morning Herald chuan a tar lang.

“Khatiang rilru pu tlat kha police-ten an hmu a, anmahni chet dan ang maia chhan let loh kha chu duhthlan tur dang a awm lo a ni,” a ti bawk.

Mi an mante hi Covid-19 dan zam an bawhchhiat avangin A$5,452 (£2,850) theuh chawitir an nih thu police chuan a sawi a. Mi pathum erawh police kutthlak thubuai siamsak an ni.

Inrinni khan ina awm tura tihna thupek hi Victoria state pumah pawh sei niin hei hi Covid-19 kai an pun mek laia a darh zel tur venna tur a ni.

Sydney khawpuia inkharkhip duh lo pung khawmte hi an tlem deuh va, mi 250 chuang awrh chauh an ni.

Deputy NSW Police Commissioner Mal Lanyon chuan thuthar lakhawmtute hnenah officer pakhat chu mipui zinga pakhatin kawngpuia a theh thluk avangin hliam a tuar tih a sawi a, mi 47 man an ni tih a sawi bawk.

Police-in khawpui  laili pan tum car 38,000 an dan thu leh kaltlang lui 260 an awm thu a sawi a, inkharkhip kaihhruaina bawhchhia an man nual tih a sawi bawk.

Inkharkhip duh lotute chet dan chu tul lo a tih thu a sawi a, police chet dan chu mahni duh zawng sawina dalna a nih loh thu leh coronavirus darh zel tur dalna a nih zawk thu a sawi bawk.

Sydney-ah hian mipui pungkhawmte hnawt darh turin officer 1,500 chuang chhawp an ni a. NSW Police Minister David Elliott chuan police-te hian hna tha tak an thawk niin a sawi.