ZALEN Nov. 28. 2024; Vawiin chawhnu a Lungsen-a Auto Rickshow chesual-ah kum 77 mi leh kum 70 mi an boral.

Thudawn danin, he chetsualnaa thite hi B. Hrangthangpuii (77) leh Thankungi (70) an ni a, an pahnih hian vawiin khan Lungsen North Branch YMA Hall-ah mit an inentir a, an haw lam chu Auto Rickshow-ah hian an chuang a, chawhnu dar 2 vel khan Lungsen-I VC Lungdawh bulah an chesual ta a ni.

B. Hrangthangpuii leh Thankungi hi chetsualna hmunah hian an thi nghal lo a, hliam na tak an tawrh avangin Lungpen PHC-ah lak an ni a, Lunglei lam panpui tum an nih laiin chawhnu dar 3:45 vel khan an boral a ni. Vanduaina tawk a boralte hi in chhungkhat hnai tak an ni.

Rickshaw hi feet 20 bawr emaw chauh a lum nia thudawn niin, a khalhtu chuan hliam na lutuk a tuar lo.