BAI atangin MBA-in Rs. nuai 7.5 dawng ve
![](https://zalen.s3.ap-south-1.amazonaws.com/images/news/1721622398_cna8t0eE.jpg)
Badminton Association of India (BAI) chuan an hnuaia inziak lut state association 28-te hnenah Rs. nuai 7.5 theuh a pe a, Mizoram Badminton Association (MBA) pawhin a dawng ve.
BAI hian kum khat chhunga an pawl intawhkhawm lian ber, Annual General Meeting (AGM) chu Pathianni khan Taj Vivanta, Guwahati, Assam-ah an pawl president, Himanta Biswa Sarma kaihhruaiin an nei a, he intawhkhawmah hian sum hi hlan an ni.
An pawisa dawn hi an account-ah a lut fel nghal thlap tawh tih MBA hruaitute chuan ZALEN an hrilh a. An sum dawn hmanga an hmalakna report thehluh leh ngei turin association tinte ngen nghal an ni bawk.
AGM neih hma hian BAI Executive Committee an thukhawm hmasa a, AGM hian zuiin kum bithliah inelnaah kum dik lova khel an la thahnem nia lang chu tihtawp a nih theih nan hma lak ni se an ti a, hemi chungchangah hian BAI-in thu a chhuah thuai ang.
Meetin-ah hian annual report te, AGM hnuhnung ber minute leh season hnih kal taa sum chevel endikna ngaihthlain an pawm a, kum 2024-25 auditor tur an ruat nghal bawk a. Kum 2024-25 BAI Calendar siamin an pawm bawk.
BAI AGM-ah hian Mizoram atangin MBA hruaitu pathum - H. Lalnunsiama, BAI Executive Member, MBA Senior Vice President ni bawk hovin Lalchhuanawma, Vice President leh C. Zoremsanga, Joint Secretary te an tel a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024