ZALEN January 30, 2025 : LPS buatsaih Youth Icon 2024 Lalsangliana (Taitea) boruak a lian chho zel a, state pawna zai tura sawmna hrang hrang a dawn zingah Bangalore-a zai tura sawmna chu a chhang. Mizo zaithiam-ah India ram chhunga zai tura sawm zinga hlawh sang ber tura ngaih a ni.

Bangalore-ah hian DJ hriat hlawh tak DJ Karma nena perform dun turin sawmna a dawng a, a sawmtute lam hian a hlawh tur pawh an ngam sang hle a. Thudawn danin state pawna Mizo zaithiam zaia sawmna dawng zingah tuna an in dawrna rate hi a sang fi lawr hle a, hlawh tamah record a nei dawn nia ngaih a ni.

Zai tura sawmtute hian a hlawh piah lamah hian amah hruaitu tur neih pawh an phalsak a, a thlenna tur thlengin an ngaihtuahsak vek dawn. Bangalore piah lamah India state hmun dang atang pawhin sawmna a dawng , mahse, hei hi chu chhanna an la pe lo thung a ni.

Mizoram chhungah zaina tur programme duan lawk a lo ngah tawh avangin Bangalore-a zin tura sawmna a dawn pawh hi an in dawr fel lawk thei lo a. Tunhnai mai khan February ni 7 zana Bangalore-a zai tur hian an in be fel ta a ni.