Aizawl August 1, 2022 : North East India Festival 2022 Bankok a neih ah mizo Designer Mami Khawlhring label  'Dear Zo' chu North East leh Mizoram aiawh tura thlan a nih hnuah Bangkok khawpuia he festival ni 3 awh-ah ngaihven a hlawh hle. Mizoram atangin official leh tour operator thlan bik te an tel bawk.

Festival ah hian Mizo designer Mami Khawlhring (Dear Zo) hian Mizorama kan tharchhuah leh neih te, moso bamboo atanga fibra extract in puanthan a siam a, Eri silk nen pawlhin thawmhnaw-a phochhuah a ni. Show stopper-ah Assam Actress lar Pretti Konkona a hmang a, Hei mai bakah hian mizo model zingami, Rody Hniahlum, Zirsangpuii, Nunui Ruahleng, Thanthani Tuallawt te pawh North East state tin represent tura an thlan chhuah designer tha 8 te tan an chechhuak bawk a ni. Model te kal rem tur Backdrop leh music video hi Toia, Kings & Prophets leh Lalsangliana, Serkawn Lunglei te siam sak a ni.

He festival hi Embassy of India (Bangkok), Ministry of External Affairs leh Trend MMS of India te buatsaih a ni. He festival ah hian hmarchhak state hrang hrang ten anmahni state tina an thar chhuah thlai, handloom leh handicraft te leh food stall te an buatsaih a ni.

Tin, He festival ah hian Dr. Rajkumar Ranjan Singh, Union Minister of External Affairs chu Chief guest tana hman a ni. Robert Romawia Minister of Tourism (Mizoram), Nagaland Chief Minister Neiphiu Rio, Meghalaya Chief Minister Conrad Sangma, Arunachal Deputy CM Chowna Mein leh Assam Minister of Handloom &Textile Urkhao Gwra Brahma, Ambassdor of India to Thailand Suchitra Durai bakah Thailand top Officials thanhnem takin he hun an hi an hmanpui.

North East Festival Bangkok hi North East state hrang hrang Commerce & Industries, Handloom & Handicrafts, Tourism, Culture & Arts te tih hmasawnna tura buatsaih a ni. Kumin North East Festival hi India-Thailand diplomatic Relations kum 75 tlin lawmna puala buatsaih a ni.