Bazarpui sak hna tan hnai ; Nov. 16 atangin bazar thu te chhuak dawn
Aizawl: Aizawl New Market main building (Aizawl City Centre) sa tura Urban Development & Poverty Alleviation (UD&PA)-in restricted tender hmanga a thlan, Lushai Engineers chuan performance security an thehluh hnuah sawrkar nen contract agreement an ziak fel tawh a, November 16 atangin bazar thute pawhin an awmna hmun chhuahsanin an insenghawi tan ang.
ZALEN thudawn danin Aizawl New Market main building sa turin ruahmanna siam fel a ni tawh a, hetihlai hian contractor-ten hna an tan theihna tur chuan tuna bazara thute an chhuah a ngai.
Lushai Engineers hotute chuan mipui mamawhna bakah, thil man to chho zel vangin a rang thei ang berin hna tan an duh tih ZALEN an hrilh a, hnathawhna tur hmanrua pawh an chhawp tawh tih an sawi.
Hemi chungchangah hian November 11, 2022 khan New Market Joint Sumdawng Association, contractor leh sawrkar official te chuan meeting neiin sumdawng pawlte chuan hna tihkhawtlai an tum lo a, November 16 atangin an inthiar chhuak ang a, hnathawhna tur hmunte hung niin, hmalak chhoh tan nise tiin ruahmanna an siam.
Tar lan tawh angin Aizawl Bazarpuia ‘Aizawl City Centre’ sakna atan Rs. vbc. 42.82 dah niin, Smart City Mission atanga sum hmuh a ni a. Project hming chu ‘Modernisation of Bara Bazaar - Trade Facility - cum-Exhibition Area’ tih a ni a, design siam turin intihsiakna buatsaih a ni a, Catalyst Architecture thlan a ni.
Aizawl City Centre building sak tur chu block hnihah then a ni a. A hnuai ber parking leh cold storage-a hman tur niin, parking-ah 2 wheeler 79 leh 4 wheeler 31 a leng thei dawn a. Block A chu chhawng sarih tur niin, dawr 458 a awm ang. Block B-ah dawr 647 a awm ang a, chhawng ngaa sak tur a ni.
Latest News & Chhiar Hlawh
-
1m | Mar 29, 2024
-
1m | Mar 29, 2024
-
2m | Mar 28, 2024
-
2m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 25, 2024
-
1m | Mar 25, 2024