13.4.2022; Synod rorel 2021 thurel angin Synod Executive Committee (SEC) chuan kohhran inkhawm leh inkhawm dang tihtlem dan chungchang zirchiangtu tur a ruatfel tawh a, an report leh rawtna an neihte chu June 2022 a SEC thutkhawmah thlirho a ni dawn.

ZALEN zawhna chhangin Synod moderator Rev. Dr. Vanlalnghaka Ralte chuan inkhawm tihtlem dan ngaihtuah rawtna chu a zirchiang tur an inruatfel tawh thu leh chung an zirchianna te leh rawtna an neih te chu SEC in a dawng ang a, chu chu June thla a SEC thutkhawmah thlirho leh tur a nih tur thu a sawi.

Synod moderator chuan tun dinhmun ah Covid hrileng vangin hmun hrang hrangah kohhran inkhawm dan phung in ngai a la awh lo tih sawiin, hrileng vangin hmun thenkhatah chuan inrinni zan la inkhawm lo te, Pathianni chawhnu la inkhawmlo te pawh an la awm tih a sawi bawk.

Kum 2021 Synod rorel chuan 'Kohhran inkhawm leh inkhawm dang tihtlem dan ngaihtuah rawtna chu lo zir chianga, rawtna nen Synod-a thlen leh turin SEC kutah a dah a ni.

Mizoram a kohhran hrang hrang ten inkhawm an kalpui dan a inzul deuh tlangpui a, inkhawm kalpui dan leh kalphung inang veklo mahse, kohhran hnuaia committee/department peng dang ten inkhawm an kalpui ve bawk avangin, thawhtanzan atanga Pathianni zan thlengin biakin ah inkhawm programme awm deuh reng ang a ni.