ZALEN July 20, 2023 : Mizo Zirlai Pawl (MZP) General Headquarters, Aizawl Executive Committee thukhawm chuan August 3, 2023 hian Peaceful Demonstration huaihawt an rel a, Zofate thlavang hauhtu Manipur CM Biren Singh-a'n case rip tak a siamsak chu tihtawp a nih theih na'n hmalak an rel. 

Meeting hi MZP President Lalnunmawia Pautu in a kaihruai a, Manipur buaina avanga Zofate tawrhna an thlir a, Manipur Zofate thlavang hauhna’n August 3, 2023 hian Lammual-ah ‘Peaceful Demonstation’ huaihawt nise an ti.

Meeting chuan, Manipur tualchhung buaina chungchanga Zofate thlavang hauhtu mi eng emaw zatte dikna leh zalenna rahbehsak a, case rip tak Manipur CM Biren Singh-a’n a siamsak chu a dem hle a. An case tihtawp a nih theih nan MZP in tanpui nise tiin a rel bawk.

MZP chuan, May 4-a thil thleng tunhnaia social mediaa video darh, Meitei te’n Zohnahthlak hmeichhe pawisawi lo pahnih pawngsuala an zahawmna tihbawrhbanga saruaka kawng an zawhpui hi  runthlak a ti a. Hetiang thil duhawm lo hi thleng nawn tawh lo turin MZP chuan a duh a ni..

Meeting-ah hian, MZP Assembly neih hun tur ngaihtuah a ni a. MZP Assembly leh inthlan hun atan hian September 21, 2023 ruat a ni.