Aizawl: BJP Mizoram Pradesh chuan Aizawl Municipal Corporation inthlan loawm turah candidate neih vek an tum.

Zirtawpni kaltaa BJP Mizoram Pradesh Office Bearers leh BJP Mizoram Pradesh Incharge Mmhonlumo Kikon ten BJP office ah meeting an neihna ah he thu hi sawiin M.Kikon chuan, “AMC inthlan lo awm tur ah BJP Mizoram Pradesh chuan Aizawl khawpui hmasawnna hna thawk turin candidate kan nei vek dawn a, BJP te hi ram leh hnam tan a kan inpekna hi ka Kristian pui te hian a hmel kan hmuh thuai ka beisei a ni," a ti. LADC inthlan chungchang sawiin, "Hnehna chang lo mah ila BJP ten kan vote share chu 0 (Zero) atangin 32% lai kan nei thei tawh a, BJP Mizoram Pradesh tan chuan hmasawnna nasa tak a ni," a ti bawk.

BJP Mizoram Pradesh President Vanlalhmuaka pawhin thu sawiin, "BJP Mizoram Pradesh te min vil tur a Central hruaitu ten kan Kristian pui an rawn dah hi BJP Mizoram tan mai bakah Mizo te tan malsawmna thlen tu anih ka beisei a, Kristian chhungkua atanga seilian, kohhran mi leh sa kan nei hi kan vannei hle a, hemi avang hian BJP te chu Kristian ten kan hmuh dan leh Party thenkhatin min chirhtheh thin ang anih loh zia a lang chiang hle a ni," a ti bawk.