Aizawl February 1, 2023: BJP Mizoram Thalai Headquarters chuan thuchhuah siamin NEC Kum 50 tlin lawmnaa Mizoram CM Zoramthanga thusawi "State dangte entawntlakin Mizoram kan siam thei" tun thlenga a la ti chu zahthlak an tih thu an tarlang.

BJP Thalai chuan, "Mizoram-a Sawrkarna chelh tawh ten Mizoram chu entawntlak a siam theih anih thu hi vawi tamtak an lo auchhuahpui tawh a, entawntlak a siam thei dinhmun a an din laia siam duh si lova, siam theih anih thu an sawi fo hi, an mahni mawng an hlimna mai ni ah kan ngai a ni," an ti.

BJYM chuan, "Thenawm State te entawn tura vawiina Mipui hma a thu kan sawi lai mek hian kan thenawm State te erawh kan entawn ngai khawpa hmasawn leh changkang anni tawh tih hi Chief Minister Pu Zoramthanga hian a hmuh kan nge? a tihve theih loh thu tha midang tih tur atan a sawi leh mai mai zawk? tih hi kan zawhna a ni," an ti.

BJP Thalai chuan, "Thusawi chauha Distinction Pass CM neih hi Mizoram thanmawh bawk a nih avangin State dangte entawn tlak ni tur leh Kristian kan nih anga Ringlo mi te laka zahawma kan lan theih nan leh kan Kristianna pawh kan thil tih a an hmuh ve theih tawhna turin, Dawtsawi bansana, mahni thutiam anga ding tawh tur leh Mizoram tan thil tha ti zawk turin CM Pu Zoramthanga chu kan ngen a ni," an ti bawk.