BJP State President CADC Inthlan campaign-ah tawng na
![](/storage/news/post/YaynRrwdFiiQSJ8pNgg6mV1gsbiGgAFrSo65RA3u.jpg)
Aizawl May 4, 2023 : CADC Election Campaign a cham mek BJP State President Vanlalhmuaka chuan na takin CADC inthlana ding party dang pathum te chungchang a sawi a, MNF chu intiamna a hlawhtling ngai lo a ti a, Congress chu central-ah pawh tluchhe tawh awmna tlak lo, tiin ZPM chu Chakma tel lo a sawrkar tum, tun hnaia minority te hmangaih thar leh ta thut an ni, a ti.
Vanlalhmuaka chuan, "MNF hi Mizoram hmun dangah pawh an hnawl mek Party an ni tawh a, a chhan chu; an intiamna an tih hlawhtlin ngai loh vang a ni. Kumin CADC Election lo awm tur ah pawh CADC mipui te hian MNF Party chu kan hnawl tawh ngei ka ring a ni. Mizorama Sorkarna chelh mek MNF Party kalphung ah chuan kan ti ang an tih hi kan ti dawnlo an tih ang a ni a, Nuai 3 kan sem ang an ti a an sem thei lova, Mizoram thar buhfai kan ring tawh ang an ti a, vawiin thlengin Mizoram thar kan la hmu lova, Kawng chhawng kan siam ang, Traffic Jam awmlohna khawpui leh adangte pawh an intiam ang tih hi an nei lova, AR sawnchhuah thlengin an thusawi thleng dik avang hle a ni. Hei mai bakah hian Mizoram hian sum leh paiah nasa takin MNF Ministry ah harsatna kan tawk mek a, March thla hlawh May thla kan chuangkai chung pawh a la pek theih loh annei te hi thlannawn chi an nilo tih tarlanna lian tak a ni," a ti bawk.
Hmuaka chuan sawi chhunzawmin, "Tin, Congress pawh Central ah an tluchhe tawh a, Mizoram ah phei chuan awmna chi a ni tawhlo tih a chiang a, ZPM Party lahin Chakma telloin sorkarna kan siam thei tiin Minority-te hmusit takin an sawi a, nimahsela tun hnaiah Minorities awmna khua; Constituency te an rawn hmangaih thar leh thut ta hi, 'Kalphung Thar' an tih ang hi a nih mai hmel a, hei hian lemchang mai an ni tih a entir a ni. CADC ah lah candidate an rawn nei thar leh te hi CADC mipui te hmuhsittu leh min hmangaihlo tu te an ni tih a lang chiang hle a, kan hnawl ngam a ṭul a ni," a ti.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024