Aizawl: Memebr 1200 nei Bangalore Mizo Association hruaitute chuan sawrkarin Bangalore ah Mizoram House changtlung zawk pe thuai se an duh tih an sawi.

Tunhnaia Bangalore leh Mysore tlawha zin Mizoram Press mite hnenah he thu hi sawiin Bangalore Mizo Association hruaitute chuan tuna House atana a hman mek chu mikhual room a awm tlem avang te, eirawngbawl phal a nihloh avanga midang tihbuai thin a tul avang leh a panna a hlat vangin a buaithlak tih an sawi a. Bangalore chu Mizo khualzin engemaw zatin an tlawh bakah Vellore damdawiin pan tum mi engemaw zatin chawlh lailawk nan an hmang niin an sawi a. Airport kawngah Mizoram sawrkarin hmun tha deuh a nei nia sawiin hei hi sak thuai nise an duh tih an sawi.