Aizawl: Mizoram Pollution Control Board (MPCB) chuan Weekly Air Quality Index a tichhuak a, boruak bawlhhlawh a ziaawm.

MPCB hian Mizoram hmun hrang hrang 11 ah boruak bawlhhlawh dan tehna a dah a, Ocober 5 leh 7 a reading tichhuakin boruak bawlhhlawh dan a la zia-awm hle a, AQI range 0-50 chhungah vek a la awm a, AQI a 50 chin hi chuan mihring hriselna a nghawng theih danah harsatna a thlen meuh lo a ni.

Dawrpui Aizawl chu boruak bawlhhlawhna ber a ni a, AQI ah 50 a ni a, Dawrpui bakah hian Bawngkawn chu a sang leh deuh a, 45 a ni a. Champhai Vengthlang chu 29 a ni a, Diakkawn Koasib 23, Laipuitlang Aizawl 21, Sikulpuilawn 20, Kahrawt, Champhai 17, Project veng Kolasib 11, Venglai Lunglei 8, Farm veng Lunglei 5 an ni a, Lengpui chu reading lak loh a ni.

Ruah ala sur zeuh zeuh a, boruak bawlhhlawh dan a ziaawm a, khua a thal chhoh hian Mizoram hmun tam takah chuan boruak bawlhhlawh dan hi hriselna nghawng pha a ni tawh thin a ni.