American actor Brad Pitt chu F1 British Grand Prix an tlanna tur Silverstone-ah a inlan dawn a, formula 1 intlansiakah a tel ve dawn tihna erawh a ni lo. 

Hollywood actor hi film-ah chuan F1 driver angin a lo chang tawh a, a takah erawh a la khalh bik kher lo mai thei. Tunkar tawpa British Grand Prix an tlan turah a inlan ve zuai dawn a, thil thar a tawng dawn. Pitt hi intlansiak tan hmain Silverstone track-ah amahin a leu kual vel dawn a nih hmel a, Mercedes team chuan a car khalh tur an chhawp sak dawn a ni.

Pitt hian film a chang mek a, hetah hian British driver Lewis Hamilton pawh a inrawlh nia tarlan a ni. 'Apex' film-ah hian kum 59 mi Pitt hi veteran driver lemah a chang a, F1 champion Lewis Hamilton erawh producer a ni thung. Hamilton chuan Pitt nen hian California-ah racing car khalh an lo inzritir tawh tih a sawi bawk.