ZALEN Oct. 25, 2024; Lawngtlai sumo 'Brother John' - ah cancer natna tuarte a thlawn a phurh thin an ni a, a neitu leh khalhtu chu Zadingliana (36), Lawngtlai College Veng a ni.

Sumo/Maxi Cab neitu Zadingliana chuan, kum 5 kalta atang khan cancer natna tuar, hmun pui lam Aizawl etc. pan turte chu a thlawnin a lo phur tawh tih ZALEN zawhna chhangin a sawi. "Passenger ka neih, cancer tuar ka hriatte chu chuan man ka la ngai lo a, chutihrual chuan hriat vek sen loh te pawh a awm thei bawk. Counter lama chuan man lo pe fel te pawh an chang a awm thin," tiin a sawi.

Cancer tuarte a thlawna a phurh thin nachhan zawhna chhang a sawiin, "He natna hian mi hausa leh rethei a thliar lo a, naupang leh upa a thliar hek lo, an dinhmun ka thlirpuiin ka tih theih tawk ti ve ah ka inngai," tiin a sawi bawk.

Sumo/Maxi Cab chu an chhungkaw eizawnna ber a ni a, a nupui Hmingthanzauvi niin, fa 5 an nei. Lawngtlai - Aizawl chuan man Rs. 1,000/- lai a tling. Heti chunga that a chhuah thin hi malsawmna tam tak dawng tlak a ni takzet e.