May 30, 2023; Tripura a inbenbel thlang Bru voter 4,083 te chu Mizoram Electoral roll atanga paih an ni tawh a. A bak voter te chu June ni 15, 2023 hma ngei a paih zo turin hmalak a ni dawn.

Vawiin May ni 30 a Central YMA thuchhuah tarlan danin, vawiin chawhnu dar 2:30 khan Central YMA hruaitute chuan Chief Election Officer (CEO) Madhup Vyas hmuin, ni 16.1.2020 agreement (inremna) lo awm tawh ang a, Tripura a mahni duh thu ngeia pem thla Bruk te, Mizoram E Roll atanga an hming paih chungchang an sawipui a.

Ni 25-26. 5. 2023 chhunga ECI team lokal te ruahmanna an siampui angin, June ni 15, 2023 ral hma ngeia Mizoram E Roll a la chuangte pawh paih an nih theih nan DEO Mamit, Kolasib leh Lunglei te hmala tura a lo hriattir tawh thu CEO chuan Central YMA hruaitute a lo hrilh.

Tunah hian Mizoram E Roll atangin voter 4,083 paih an ni tawh thu sawi bawkin, a bak la awm zawng zawngte June ni 15, 2023 hma ngeia chinfel a nih tur thu a lo sawi bawk.

Central YMA hruaitute chuan DEO Mamit, Kolasib leh Lunglei te pawh thahnemngai taka hma la tur leh hun tiam chhunga inchingfel ngei turin a beisei tlat bawk.