Kolasib leh Bilkhawthlir-ah awm lailawk dawn
Aizawl : Nimin khan central sawrkarin Mizoram ramri-a duty tura a tih BSF company 3 chuan Mizoram an rawn thleng a, COVID screening leh a kaihhnawih an paltlang chhung leh an awmna tur buatsaih chhung hian Kolasib leh Bilkhawthlirah dah lailawk an ni ang.

Home Department-in hemi chungchanga thuchhuah an siamah Assam sawrkar official leh Assam lamin Mizoram chhunga thlam an hal leh huan thlai a tih chhiat vang te, Covid-19 duty post tihchhiat a nih vang leh Vairengte daia intihbuaina avangin Assam lam hian Mizoram sawrkar chu ramri-a police duty hnukkir tura a tih reng vang leh Mizoram luhka an dan reng avangin Ministry of Home Affairs chuan boruak tidai turin heng BSF te hi a rawn dah niin an tarlang.

BSF Company 3 te hian Mizoram an rawn thleng ciah hlawm a. Amaherawhchu, ramri hrula an awmna tur facilities peih a la nih loh avangin an awmna tur hi buaipui mek a nih thu te, Vairengte-ah hian Mizoram IR Police awmna thlang Lailapur lamah dah tum a ni, thu leh COVID screening leh a kaihhnawih an paltlang chhung leh an awmna tur buatsaih chhung hian Kolasib leh Bilkhawthlirah dah lailawk an nih tur thu an tarlang bawk.