ZALEN February 9, 2025 : February 19, 2025 atanga March 20, 2025 inkara Assembly budget session neih turah Zirtawpni thleng khan ngaihtuah turin bill pahnih a lut tawh.

House-a ngaihtuah tura bill lutte hi ‘Private Placement Agency Regulation Bill, 2025’ leh ‘The Mizoram Urban & Regional Development bill, 2025’ te an ni.

Zirtawpni thleng khan house-a chhan tur hian zawhna 285 leh ziaka chhan chi zawhna 34 bakah papar lay tur panga a lut tawh a ni.

Session tan ni hian Mizoram larsapin house-ah thu a sawi ang a. February 21, 2025-ah prime minister hlui Dr. Manmohan Singh sun a ni ang a. March 4-ah chief minister leh finance minister ni bawk Lalduhoma’n kum 2025-26 budget leh kum 2024-25 sum dil belhna (supplementary demand) a pharh ang a. March 12 atangin minister-te demand sawihova pass nghal zel tum a ni ang.