ZALEN June 19, 2025 : Vawiin tlai dar 4:00 rik hma deuh khan Khawzawl leh Rabung inkarah LPK truck buhfai phur a chesual.

Thu laknain a tarlan danin LPK chesual hi Lalhmangaihzuala khalh niin Khawzawl atanga Rabung pana a kal chu Tuichang thlen hmain a chesual a, kawng thlangah meter 200 vel zet a lum. Driver chiah lirthei ah hian chuangin hliam na lutuk a tuar lo. 

Lirthei chesualin a phurh buhfaite hi Khawzawl Dinthar branch YMA leh Khualen khua mi tlawmngai thawk chuak ten kawngpuiah thiar chhuakin, Rabung lama dah turin motor dangah an hlang nghal vek a ni. 

Supply Department lam pawh lirthei chetsual thu an hriat velah a hian a hmun hi an pan nghal a ni.