ZALEN, 17th July: Minister B.Lalchhanzova chuan buhfai supplier thlan dan chungchangah minister tumah an inrawlh lo tih chu Opposition-te te'n hria se a tih thu a sawi.

Minister B.Lalchhanzova chuan, "Tun kan buhfai Supplier thlan dan chungchangah pawh hian minister tumah kan inrawlh lo tih hi Opposition-te ka hrilh duh a ni" a ti a. "Kan han sorkar a, sorkar hmasate kihhnawk kan thianfai mek a, kan thenfaina kawngah hian Opposition party pahnihte'n min beih rawn mek a ni. Mahse thil țha kan tihna kawngah hian kan Chief Minister Lalduhoma'n min fuihna țhin angin huaisen takin kan kal zel dawn a ni" a ti.

He thu hi ZPM Party Hqrs Hall Republic Vengthlanga ZPM Ṭhalai Hqrs ECM chin tan Political training neihnaah Chhanzova chuan a sawi a. 

Jeje Lalpekhlua MLA President ZPM Ṭhalai Hqrs chuan a kaihhruaiin B.Lalchhanzova Minister F&CS leh TBC.Lalvenchhunga Adviser to CM (Finance), Lalnghinglova Hmar (MOS) S&YS, Lalmuanpuia Punte Adviser to CM - te chuan ZPM Thalai kalkhawmte hmaah Party Administration , Political Administration leh Media & Publicity, Nationalism, Motivational & Youth Development  chungchangte inzirtirna leh inhrilhhriatna hunte an nei a, fuihna thu an sawi bawk a ni.