Aizawl: Lawipu venga nu pakhat chu sawrkar remtihna tel lova Myanmar atanga a lo haw avangin a fate nen sawrkar quarantine centre-ah dah a ni.

Zalen thudawn danin Lawipu venga BSUP building a cheng nu pakhat chu Myanmar lamah zinin lockdown in a nangchin tak avangin lo haw thei lovin a awm a. Mahse tunhnai khan ramri rawn kan in Zirtawpni khan an chenna in hi a lo thleng a. Khawtlang hruaitu ten an hriat veleh an chenna in hi kalh nghalin Magistrate leh Health Department te thurawn angin a fate 2 nen R.Dengthuama hall panpui an ni a, hemi hnu hian Beraw tlanga sawrkar quarantine centre ah dah zui nghal an ni.