ZALEN September 27, 2023 : Vawiina Chief Minister Zoramthanga hova Council of Minister thukhawm chuan agenda engemawzat an pawm zingah The Mizoram Journalists Pension Scheme 2023 chu an pass. 

Sawrkarin Journalists te hamthatna leh an hnathawhte a ngaihlut pui avangin Pension scheme pawh a hlawhtlin ngei theih nan theihtawp a chhuah reng a, a taka hlawhtlin theihna tura vawiina CM hoa Cabinet meeting a pass ta chu hmasawnna mellung pawimawh tak anih Information Minister Lalruatkima chuan a sawi.

Mizoram Journalists Association te hian Pension Scheme hi hunrei tawh tak atang khan, sorkar ah dil na an thehlut tawh a, tunhnai Kum 2019 khan thehluh that leh niin, hemi pension tura buaipui ngai hrang hrang te sawrkar lamin a ngaihtuah mek karah theihtawp a chhuah rualin duh angin  Hripui lo leng karah tihfel maitheih anilo tih I&PR Minister chuan a sawi bawk.