ZALEN March 13, 2025 : BJP Mizoram chuan Chakma Autonomous District Council (CADC)-a Village Council inthlan neih zawh taka CADC mipui te'n BJP ah rinna nasa tak nghat a, Village Council 88-ah khaw 64 laiah sawrkarna BJP-in an lak avangin BJP Mizoram chuan lawmthu an sawi.

CADC inthlan ah hian BJP Mizoram chuan hnehna sang tak changin, Village Council 88 awm ah Village Council 64-ah BJP Sawrkarna an siam thei a, Seat awm zawng zawng 516 atangin Seat 364 lai BJP chuan an la thei hi lawmawm an ti. CADC-a BJP hruaitute inpekna leh an thawhhona tha tak a awm vang a ni tih a chiang a, hma lam hun eng tak BJP chuan an nei zel hi a lawmawm an ti a ni. CADC mipui te avanga BJP in hnehna sang tak an nei hi Central Leader te pawh an lawm hle a, CADC mipui te hnenah lawmthu an sawi bawk a ni.

BJP Mizoram chuan Village Council inthlan pawimawhzia a hria a, khawtlang hmasawnna siamna kawnga hma latu pawimawh tak a nih avangin, CADC mipui te'n BJP-ah rinna an nghat ngam leh hmasawnna ṭha zawk beiseina an neih na hian, Development for All thlenna atan BJP lo chu a awm lo a ni tih a ti chiang hle ah an ngai a. CADC-a BJP kaihhruai sawrkar-ah rinna an nghat ngam hi a ropui an ti a, an beisei ang ngei Development CADC Mipuite'n an hmuh theih nan BJP Mizoram Headquarters chuan hma an lak pui dawn an ti.