CADC inthlan tura BJP Official Candidate Amit Kumar Chakma mi kut tuarin thi
![](/storage/news/post/i3sg5E2h2nlcG5crj4kYqa1FzFTWMBinbnM3xvGA.jpg)
Aizawl May 5, 2023: Chakma Autonomous District Council a Member of District Council inthlan lo awm tura Rengkhasya Constituency-a BJP Party official candidate Amit Kumar Chakma chu nizan dar 11:30 vel khan Lokhisury-ah mi kut tuarin a thi.
Nimin khan BJP Party hian Lokhisury ah rally neiin Rengkhasya lamah an haw a, la cham thenkhat ten May 2-a party pahnih BJP leh MNF ten buaina tenau an neih chu Amit Kumar Chakma leh a zuitu thenkhat te chu remna siam turin Lokhisury ah hian an han kal a, kut an lo thlak ngal mai niin an sawi.
Police te sawi danin, thubuai hi Vaseikai Police Station-ah ziahluh niin, Amit Kumar Chakma leh a thiante kutthlaktu hi mi 3 vel an nih thu an sawi a, an zingah MNF official candidate Prema Ranjan Chakma pawh telin Vaseikai Police ten an man a, Lawngtlai lamah phurh chhoh nghal a ni.
Amit Kumar Chakma bakah hian Lokhi Ram Chakma (35), Moi moi Chakma (27), Subash Chakma (22) te, Bakra Joy (34), Tridip Chakma (30), Shanti Moy (17) ten kut an tuar a, hliam tenau an tuar vek a ni. Lokhi Ram Chakma (35) hian a luah hliam tuarin a dinhmun a that loh deuh avangin Lawngtlai lamah refer a ni.
Nunna chan ta Amit Kumar Chakma hi Rengkhasya Constituency ah 9th CADC khan INC Party atanga thlantlin niin, CEM nihna a lo chelh tawh a, 10th CADC ah INC atang bawka thlantlin niin MNF ah a lut a, 11th CADC inthlan lo awm turah hian Rengkhasya Constituency-ah BJP Official Candidate a ni. ZALEN in thu a dawn danin Amit Kumar Chakma hi tun tumah hian MNF-ah seat a chang lo a, BJP hi a zawm niin hriat a ni.
(Source - The Chawngte Times)
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024