ZALEN Feb 3, 2025; 'Cancer Hospital' tia hriat lar, Mizoram State Cancer Institute, Zemabawk pantu an pun belh zel a. Cancer enkawlna senso hautak em em mai nei zo si lo, inenkawl ngai si an ṭhahnem thei hle. Damdawi in thuneitute chuan ruahmanna an siam a, hetianga inenkawlna senso nei lote ṭanpuina atan hian 'Poor Fund' a thawh theih reng a ni.

2024 chhung khan cancer vei, inenkawlna senso pe tla thei lo hi thla khatah mi 10 aṭanga 26 thleng an awm a. Poor Fund lama pawisa tling khawm hmanga hetianga ṭanpui ngaite an ṭanpuina tling khawm hi nikumah khan a tlem ber ṭumin thla khatah cheng nuai khat, zanga leh cheng nga (Rs. 1,00,505) niin, a tam ber ṭumin cheng nuai hnih, sing kua, sang li, sawmli (Rs. 2,94,040) a ni.

Kum 2024 chhunga Poor Fund a pawisa tling khawm hmanga inenkawlna senso pe thei lote leiba an rulhsakna zawng zawng chu Rs. 25,22,376 lai a tling niin Nursing Superintendent Lalrinpari chuan a sawi.

Poor Fund ah hian damdawi ina thawktute pawhin an hlawh aṭangin cheng eng emaw zat an chhung lut fo a, sawma pakhat chhung lut an awm zeuh zeuh bawk a. Mi mal leh pawl ang pawha pawisa chhung lut an awm fo nachungin, pawisa indaih lohna a nasa viau niin Lalrinpari chuan a sawi bawk.

2024 chhunga thla tin ṭanpui zat leh pawisa hman zat: (in rupees)

January:

Ṭanpui zat - 10

Pawisa hman - 1,00,505

February:

Ṭanpui zat - 13

Pawisa hman - 2,74,677

March:

Ṭanpui zat - 14

Pawisa hman - 2,67,712

April:

Ṭanpui zat - 14

Pawisa hman - 1,93,858

May:

Ṭanpui zat - 18

Pawisa hman - 2,51,818

June:

Ṭanpui zat - 18

Pawisa hman - 2,33,087

July:

Ṭanpui zat - 18

Pawisa hman - 1,63,045

August:

Ṭanpui zat - 13

Pawisa hman - 1,73,715

September:

Ṭanpui zat - 13

Pawisa hman - 1,05,136

October:

Ṭanpui zat - 18

Pawisa hman - 2,19,030

November:

Ṭanpui zat - 26

Pawisa hman - 2,94,040

December:

Ṭanpui zat - 18

Pawisa hman - 2,45,753

Total : Rs. 25,22,376