ZALEN May 27, 2025; Tukin khawvar hma dar 4 khan Mauchar High School Headmaster, R Suanzabiaka leh a nupui fanaute chuanna car chu Zohmun leh Sakawrdai inkarah chesualin, Car khalhtu R Suanzabiaka leh a fapa kum 3 mi chu a hmunah an thi. 

An chetsualthu hi R Suanzabiaka nupui Vungkhawlchini'n an chetsualthu hi Phone-in Mauchar-a an naute a hrilh a, chetsualna a thleng tih an hriat ve leh Zohmun VC leh YMA hruaitute ruahmannain mi tlawmngaiten chetsualna hmun hi zawng chawpin, zing dar 5 velah an thleng a ni.

R Suanzabiaka leh a fapa ruang hi vawiin khan Sakawrdai CHC-a postmortem an nih hnuah an khua Kolasib panpui an ni a, zanina lumen an nih hnuah naktuk chhun dar 12-ah vui an ni ang. 

R. Suanzabiaka-te hian fa 4 an nei a, an fate 3 chu inah an kal san a ni.

#ZalenNews