Canadian singer Celine Dion chu a hriselna dinhmun a tha lo a, hei vang hian live show a neih tur pawh a thulh phah hial. Kum 55 mi hian neurological disorder a nei tih hriat chhuah a ni a, hei vang hian show a neih hmabak zawng zawng pawh tiam chin awm loin a titawp vek a ni. 

Celine Dion hian nikum khan Stiff-Person Syndrome (SPS) a neih thu puan a lo ni tawh bawk a, a natna hian zai lamah harsatna a thlen nasa viau bawk. Hrisel lohnain a tlakbuak zui zel avang hian kum 2023 leh 2024 chhunga programme a lo duan tawh sa te chu a cancel ta vek a ni. 

Hei chungchang hi Twitter-ah tarlangin, mipuite hriatthiamna a ngen nghal bawk. Zai chawlh san lam erawh a la sawi ri lo thung a, fante nen inhmuh leh ngei a duh thu social media kaltangin a tarlang. 

December 2022 khan French Canadian singer hian Instagram-ah fante hnena thuchhah a lo tichhuak tawh bawk a, SPS a nei tih hriat chhuah a nih avangin European tour a neih tur a tihlawhtling thei dawn lo tih a sawi a ni. 

'My Heart Will Go On' singer Celine Dion hian kum 2019 atang khan 'Courage World Tour' a nei tan a, Covid-19 darh hma khan show vawi 52 zet a nei hman. Mahse Covid-19 avang khan hun rei tak a chawl zui a, a hriselna dinhmun a that loh chhoh tak bawk si avangin tour hi a chhunzawm thei ta lo a ni.