Aizawl: 4th Tuirial Bial By-Election lo awm tura BJP Mizoram Pradesh Official Candidate K Laldinthara chuan thlantlin anih chuan Tuirial Bial tan Sorkar lai MNF tih theih loh, Congress leh ZPM tan a tihngaihna awm lo tur chu central-ah BJP Sorkar avangin Bial mipui te mamawh tih theih loh tur a awm ka ring lo a ti a, central-ah Pa a nei niin a sawi bawk. 

K. Laldinthara chuan Khamrang a tlawh naah thusawiin, State President kaihhruaina hnuaiah Central BJP hruaitu te nen kan inbe reng a, Tuirial Bial mipui te mamawh ka thlen tawh te chu central hruaitute chuan Tuirial Bial hmasawnna atan tih a nih tur thu min hrilh a ni, a ti.

K. Dinthara chuan BJP chuan, "Development hnathawh aia ngaihpawimawh kan nei loh avangin Tuirial bial ah hian Inkalpawhna te, ei leh bara hmasawnna tur te, Waterway kal tlanga inkalpawhna te bakah mipui mimir mamawh tur term reilo te chhung hian tih theih a ni dawn a ni. Tuirial Bial mipuite mahni hmakhua ngai a, Mizoram a MLA bial dangte tan a entawn theih tur khawp a bial hmasawn kan nih theihna turin tun hun hi a pawimawh. Party dang ten mipui tana an tiam reng reng tawpna hi central ah anih avangin an tan chet lak a har dawn a, keini tan erawh Pa hnena thil kan dil angin kan mamawh te chu min tihsak mai dawn a ni," a ti.