September 11, 2023; Central KTP chuan, Chhanchhuahna Camping an buatsaih mek a camping a lutte tawngtaipui tura ngenna an siam.

Central KTP chuan camping a lut, ruihtheih thil sim mek ten taksa lama harsatna an tawh zui loh nan tawngtaipui turin a thei a piangte an sawm a, camping a lut zawng zawng ten Pathian chhanchhuahna an chan vek theih nan te tawngtaipui turin ngenna an siam bawk.

Hengte bakah hian, ruihtheih thil ti mek ten an sim theih nan leh, Mizoramah Pathianin lalna a chan zel theih nan te tawngtaipui tur a ngenna an siam bawk a ni.

Central KTP in Chhanchhuahna Camping an buatsaih hi September ni 4-23, 2023 chhung a neih tur niin, camping na hmun hi Synod Camping Centre, Neihbawih ah a ni.