Aizawl Feb. ni 04, 2023 : Chief Minister Lalduhoma, “ZMC Central a pek kan tih chhan hi kan sum dinhmunin a zir loh vang a ni a, mahse Central kuta pek a ngai a ngai dawn ta lo a ni," a ti.

Inrinni (3.22024) zing kar khan Chief Minister Lalduhoma, Lalrinpuii, Health Minister, Lalchhuanthanga MLA Aizawl South-II, Renu Sharma IAS, Chief Secretary leh Health Department hotute, Architech lam hotute leh khawtlang hruaitute chuan Kulikawn Hospital tih len dan tur leh tih changtlun dan tur an en ho a. 

He hunah hian thu sawiin Chief Minister chuan, "ZMC hi Central-ah pawh pe ila kan quata hi a bo dawn reng reng lo tih hi kan hriat a tha a ni. Amaherawhchu, kan hriat angin Minister kan nei tha em em a, ani hian Central lam hotute dawrin a kal a, Central lama kan hotute chuan kan enkawl duh dawn a nih phawt chuan kan rawn dawmkang ang che u an lo tih hlauh avangin Central kutah pawh pek a ngai dawn ta lo a ni," a ti.

Chief Minister chuan, “Aizawl Civil Hospital hian mipuite min dawl zo meuh tawh lova, Civil Hospital tih lenna atana pawimawh tak mai a ni a, Psychiatry Hospital kan neih chhun a ni bawk a, kan sum neih te tlem hle mahse kan hotute nen kan han sawiho a, kan la neihchhun ang te he Kulikawn Hospital tih len nan hian bawk nawlh mai ang tiin Rs.67.62 Crores kan dah ta a ni," a ti.

Kulikawn Hospital Complex thar hi Ministey of DoNER scheme NESIDS sum Rs 67.63 Crore hmanga thawh tur a ruahman a ni.