September 27, 2023; Kan thenawm Manipur State-a kan unau Zohnahthlak ten Meitei ho laka harsatna an tawh mek chungchangah kawng hrang hranga an mamawh phuhruk nan vawiin chawhma lam khan Isua Krista Kohhran (IKK) General Headquarter, Vaivakawn hruaitute chuan an Kohhran mipuite thawhkhawm Rs. 2,70,000/- chu Central YMA hruaitute kutah an hlan.

Vawiin vek chawhnu lam khan LIC Agent Association, Aizawl Branch te chuan LIC Aizawl Staff-te leh LIC Agent ten an thawhkhawm Rs. 40,000/- chu Central YMA hruaitute kutah an hlan bawk.

Kan unau Zohnahthlakte aiawha an mahni tanpuina pawisafai lo dawngtu Central YMA President, R. Lalngheta chuan IKK Gen. Hqtr. hruaitute leh LIC Agent Assn. hruaitute chungah lawmthu a sawi a. Kan unaute harsatna tawh mek chuan ziaawm lam emaw inchinfel lam an la hlat hle tih a sawi a. Tun aia hun khirh zawk an la tawk thei a, sum leh pai pawh an la mamawh hle zel a ni tih a sawi.

Central YMA chuan hnam hrang hrangte inthlun khawmna tura din thar Zo United kaltlangin kan unaute mamawh apiang pek zel an ni ang a ti bawk.