Aizawl June 12, 2024 : Centre for Environment & Social Justice (CESJ) chuan Assembly Speaker-in Green Mizoram Day-a a thusawinaah, "Dan ang thlapa thingkih a ni," a tih bakah chanchinbu thlenga rawn chhuah a ni a. CESJ chuan speaker-in dan ang taka thingkih a nih thu a sawi hi an hrethiam lo a, "Dan an zawm loh avanga PWD pawn pawisa an chawi laia speaker berin dan anga an kal thu a sawi tlat hi insawi fiah ngei tûrin kan phût tlat a ni," an ti.

CESJ chuan Assembly Speaker Bungalow-a thing kih a nih chungchangah dan pal zutna a awm ngei avangin June 4, 2024 khan thuneitu, Department of EF&CC, GoM-ah complaint theh luh a ni a, hma an lak loh chuan mawhphurtu an nih anga an khin a ngaih tur thu pawh an hrilh a. Speaker Bungalow-a thing kih a nihah PWD chuan phalna an neih loh/dan anga kih a nih loh avangin EF&CC chuan PWD hi pawisa chcawi turin an ti a, June 6, 2024 khan PWD hian EF&CC hnênah an sum chawi hi an pe a ni, an ti.