Aizawl September 7, 2024 : Vawiin khan Centre for Environment and Social Justice (CESJ), Mizoram hruaitute leh Assam Rifles DIG, Brig Girish Upahdya ten inkawm hona hun neiin thu pawimawh an tih te an sawi ho. AR chhuahsan tur rama thing leh nungcha te chhiarpui neih an lo phalsak.

Kuhva PIL chungchang leh CBI koh luh chungchanga AR te hian Ruatfela Nu hmalaknaah an lawm hle tih an lo hrilh. AR te hian Gate duty te an tan thu leh sum chheprelh ven nan body camera, CCTV leh complaint na phone number an dah thu DIG hian a sawi a. An hmalakna hrang hranga an ngaimawh laite an sawiho bawk.

CESJ ten AR te chhuahsan tur ram a thing leh nungcha te hi hun lokal zelah humhalh an nih theih nan thing chhiarpui neih an dil chu an phalsak a, AR lamin tawiawm an inhuam bawk.

AR lammual thlanga drainage mumal lo leh Bethlehem lam ngaw lei min a hlauhawm thu an thlen chu CESJ lam Geologist te hman remchan huna enho kan ti bawk.

AR te hmalakna te leh public nena thawhhona tha an neih theih nan Phone leh e-mail tawng chi thum (mizo, english leh hindi) a tar chhuah an rawt chu tha an ti a, tih ngei an tum bawk.

AR te chhuahsan tur ram hi mipui tan a hman tangkai a nih a, thing leh mau te ti rem lo zawnga hma la a, MOU ah pawh awm ngei se tih kan duhthu kan thlen bawk.

CESJ te chuan Assam Rifles ten Kuhva PIL chungchang leh CBI koh luh annih theih nana hma latu CESJ Working Chairman Vanramchhuangi an lo chawimawina chu lawmthu an sawi a. Assam Rifles ten Mizoram vênhimna leh hmasawnna kawnga hma an lakna hrang hrangah duhsakna kan hlânin thawhhona tha tak kan nei ho thei chu an lawm hle a ni.