Aizawl: Civil Hospital Aizawl ah Specialist (Diplomate of National Board) zirlai 27 an awm mek.

Civil Hospital Aizawl- a specialist zir mek te hi naupang lam Paediatrics 6, damdawi lam thimna Medicine 6, inzai lam thiam Surgery 6, hmeichhe lam Obst & Gynea 6 leh hnimhlum Anaesthesiology lam zir 3 te an ni.

National Board of Examination chuan tehna hrang hrang damdawiin zau zawng, an sum leh pai dinhmun, damlo an neih zat, khum awm zat, OPD inentir zat, damlo zai zat, bllod bank, laboratory leh thil hrang hrang a endik hnuah heng an tehna a tling te hnenah hian specialist (DNB) zir theihna hi a pe a. Civil Hospital Aizawl hi hmarchhak state zingah chuan Civil Hospital zinga hetiang nei awmchhun nia hriat a ni.

Kum 2013-14 session atangin Civil Hospital Aizawl ah hian specialist zirna hi bultan a ni a, a tirah chuan department 4- Paediatrics, Medicine, Surgery leh Obst & Gynea ah te bultan a ni a, kum 2017 atangin Anaesthesiology subject hawn belh a ni. Hriattheih chinah Civil Hospital Aizawl ah hian mi 58 in specialist an zir tawh a ni.