ZALEN June 9, 2025 : Odisha state Vigilance Department chuan Pathianni khan 2021 batch Indian Administrative Service (IAS) officer, Dhiman Chakma chu Cheng Nuai 10 thamna a la nia puhin an man.

Tripurainfo.com in tarlan danin Dhiman Chakma hian sumdawng pakhat chu dan hmanga thiam taka vau hnuah Cheng Nuai 10 in thamna pawisa a la niin an ziak a, he thuVigilance Department in an hriat hnuah ama bangla ah kal chilhin an enfiah nghal a, khawi atangin nge a neih tih hriatloh Cheng Nuai 47 zet a chenna inah hian an man zui bawk a ni.

Dhiman Chakma hi Mizoram atanga Tuikuk raltlan luhkhawmna Mizoram leh Tripura ramri hrul khua Kanchanpur atanga seilian a ni a, IAS officer a tlin hma hian Indian Forest Service (IFS) ah alo inziak tling tawh a ni.