Aizawl January 12, 2023: West Tuipui Bialtu MLA Nihar Kanti Chakma chuan, Young Chakma Association member te chu Mizo tawng zir uar tur leh Mizo subject la vek turin a chah.

Nihar Kanti Chakma hian vawiin khan ni hnih awh tur, Central Young Chakma Association (CYCA) General Conference vawi 43 na Kamalanagar a neih chu a hmapui a, Nihar Kanti Chakma hian Chakma thalai te Zirna lama tan la turin a fuih a, Mizo tawng zir uar tur leh Mizo subject la vek turin a chah. Infiamna lam pawh uar lehzual tura a chah bakah, CYCA te chu khawtlang nun siamthatu an nih angin thalai te ruihlo lak a an fihlim theih na turin nasa zak a tan lak vek turin a sawm bawk a ni.

West Tuipui Bialtu MLA chuan, "CYCA te hi khawtlang leh mipui rawngbawl tu a nih ang in, ram ngaw hum halh leh lui tui hum halh na kawngah nasa zawk a tan lak a tul. Kan ramngaw te hi a chereu tawh lutuk a, tui hna a kang chah palh a hlauhawm tawh tak zet a ni. Chuvang chuan kan ram kawng hrang hrang a kan hum halh theih na kawng ah hian tan kan lak nasat a ngai hle a ni," a ti bawk. 

Central Young Chakma Association General Conference vawi 43-na hi
CYCA Vice President Milon Chakma in a kaihruai a. Vawiin chawhnu khan hruaitu thar thlanna an nei a, naktukah General Conference hi an hman chhunzawm leh dawn a ni.