Chakma vote tel loa sawrkar tuma insawia Parthi awrh tir leh vel mai mai chi ka ni ve lo - Lalsawta
![](/storage/news/post/9KfZZyFjOW1c3MBqyy3tVhNdt5cFqAVqxABek3yS.jpg)
Aizawl April 27, 2023 : Vawiin khan MPCC President Lalsawta chuan Tuirial bial, Serlui bial leh Kolasib-a Party hruaitute tlawhin inkawmna hun a hmanpui. He huna thu a sawinaah Lalsawta chuan, "Dinhmun tha chan duh vanga Lem ang der a. Chakma vote tel loa sawrkar tuma insawia Parthi awrh tir leh vel mai mai chi ka ni ve lo," a ti.
Lalsawta chuan, "Kum 13 sawrkar hna ka thawk a. Mipui rawngbawlna zau zawk neih tumin Politics ka zawm a, Politician in hmuh ang hi ka ni ve lo. Chief Minister nih ka tum ngai lo. MPCC President nih ka tum ngai lo. Kum 2018 hnuah chawlh hahdam ka tum. Mahse ramin min koh avangin Mizoram tana sawrkar tha pe turin ka let leh chauh a ni. Hausak leh zual ka tan a tul lo. Tuna ka dinhmun aia nawmsak zawk hi ka thlahlel ve lem lo. Dinhmun tha chan duh vanga Lem ang der a. Chakma vote tel loa sawrkar tuma insawia Parthi awrh tir leh vel mai mai chi ka ni ve lo. Tum ka nei a, Mizoram ka hruaina tur kawng hi ka hria. Chu chu Mizoram tan pawh a tha a. Pathian pawhin mal min sawm ka ring bawk. Pathian hian thil tha duh, rilru dik pute chu a hruaiin mal a sawm thin," a ti.
Lalsawta chuan, Mizoram inthlanah kumin 2023 hi a danglam bik tih sawiin, "Kil thum atangin kan inbei mek a. Keini chuan hausak tum leh hausak avanga MLA nih tum hi neih belh tumna mai a ni kan ti a. Mipui chanai hmangin sum an tuak dawn a. Heng hi ram hmelma a nin avangin Congress Party MLA tur te chu mi taima, huaisen, mi dik an nih chuan a tawk," a ti.
Lalsawta chuan, "Kan ram dinhmun hi kan hria. Ram hruaina hi phur thut thil a ni lo. Chuvangin ram rorelnaa tel tur te chu mi langsar leh lar, mi hausa khawnkhawm hnawh khawmna tur a ni lo. Kan Candidate te theihtawpin lo tanpui ula. A awm ang ang eia in-a sawrkar tha siam turin kan thawk ang. In tanpui tiha pawisa khawn lam a ni lo. Mizoram hmasawnna daltu Hlemhletna YMA leh Kohhranin an do kum a ni a. Election Commission pawhin chu chu a duh dan a ni. Hei hi Congress in inthlan kan hmachhawn dan tur a ni," a ti.
MPCC President Lalsawta chuan, "Pathianin kawng awlsamin amah ringtute a hruai ngai lo. Hun harsaa ding nghet a, Congress party in Sorkar tha (Good Governance) Mizoram mipui kan pek theih nan sut tlang ngai chu Political Will hmangin ka su tlang ang. Chu chu Pathian hnena ka inhlan dan a ni. Mizoram hmakhua atan rorelna tha, Good Governance pek hi ka bat a ni a, chu chu ka tum a ni a, ka duh ber a ni bawk. Politician te hian ka ti ang an tih hi tih an nei ngai lo, tawngka chauh a ni. Ka ti ang ka tih theih chin chauh ka sawi thin. Chu chu ram tan pawh a tha zawk a ni. Pathian leh Mizoram mipuite zarah sawrkar tha kan neih hun tur a ni telin a hnai zel. Phur takin i thawk ang u," a ti bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024